Profiel

VISNETC.GIF (15556 bytes)

Romeine 8:38: Hiervan is ek oortuig: geen dood, of lewe of engele of bose magte of teenswoordige dinge of kragte ... kan ons van die liefde van God skei nie.

Profiel

Visnet Bedienige is 'n interkerlike bediening wat daar gestel is om die moderne hulpmiddels van die Internet te gebruik om die evangelie te verkondig. Hierdie diens is daar gestel deur 'n voormalige predikant van die NG Kerk wat die potensiaal van die Internet raakgesien het om die evangelie na die uithoeke van die aarde te bring. Van die medewerkers kom egter uit alle kerke.

Doelwitte

Die doelwitte van hierdie Visnet Bedieninge is onder meer die volgende:

	Die daarstel van 'n webbladsy wat in verskeie behoeftes van die Afrikaanse Christen vervul (later sal 'n engelse webbladsy ook daar gestel word).
	Die uitdra van die evangelie deur middel van die Internet deur onder meer van die Internet en hulpmiddels soos videokonferensie gebruik te maak.
	Die daarstel van 'n handleidingreeks in vier boekies waardeur die gewone mens meer oor die rekenaar, die gebruik daarvan en die gebruik van die rekenaar in diens van Jesus Christus. Op hierdie webbladsy sal ook van tyd tot tyd hulpmiddels en raad verskyn oor hoe u die rekenaar vir u stiltetyd kan gebruik.
	Die opleiding van ouers oor hoe hulle hulle kinders se internettoggies kan kontroleer.
	Die bekendmaking van nuus van verskillende kerke asook die interpretering van die nuus van vandag deur die oog van die Bybel.
	Die daarstel van 'n hulplyn waar enige een deur middel van e-pos 'n probleem kan indien en dit sal dan binne 48 uur vir hom/haar beantword word. Hiedie diens sal mettertyd uitgebrei word na 'n diens waar jy met iemand oor die internet kan praat oor jou probleem.
	Dan sal daar ook preke en praatjies vir predikante, pastore en sprekers beskikbaar gestel word.

Naam

Die Naam Visnet kom van die twee woorde vis en net. Vis is natuurlik die Christelike simbool vir Jesus. Die rede hiervoor is omdat die woord vis in Grieks - ichthus - die verskillende eerste letters van Jesus se name bevat. Die woord net staan vir die Internet. Met ander woorde visnet staan vir Jesus op die Internet.