voorblad | bestemmings | raad & neigings | reisnuus | nie-reis | foto's
 

bestemmings


stryd om dit 'n eiland te hou 

   
jens friis
     

 
Van ver af lyk dit soos 'n reuse-sandkasteel wat op die see dryf. Dis egter nie 'n ligkaatsing nie, maar Mont-Saint-Michel. En dis ook nie eintlik 'n eiland nie.

Eeue lank reeds word gewik en weeg hoe dit moontlik is om besoekers by hierdie fortklooster te kry sonder om hulle die illusie te ontneem dat dit met water omring is.

In die vorige eeu is besluit om 'n toegangsroete na die vasteland te bou. Dit het toegeslik en groot sandbanke het gevorm. Die gety kom nie meer in teen die spoed van 'n galoppende perd nie. Die ``eiland'' word deesdae net met springgety deur water omring.

In 1995 het die Franse besluit om 'n deel van die versperring deur 'n brug te vervang. Buite Parys is Mont-Saint-Michel immers die gewildste besienswaardigheid in Frankryk. Nagenoeg 3 miljoen mense besoek jaarliks diť bekendste Franse baken naas die Eiffeltoring.

Omdat die beoogde parkeerplek verder sal wees, sal pendelbusse ingespan word om toeriste te karwei na diť wÍrelderfenisgebied. Diť ontwikkelingsprojek is nog in 'n vroeŽ fase.

Besoekers se aanvanklike eilandstatus-teleurstelling duur net totdat hulle verby die kitsch aandenkingswinkels is wat die enigste straat, die smal Grande Rue, omsoom. Die geskiedenis van die eiland strek terug na die agtste eeu. 'n Oratorium is opgerig nadat 'n aartsengel aan die biskop van die nabygeleŽ Avranches verskyn het.

Tussen die 11de en die 16de eeu is 'n drieverdieping-abdy opgerig, eers in die Romeinse en daarna in die Gotiese styl. Mettertyd is slaap- en eetsale, kloktorings en standbeelde bygevoeg. NŠ die Franse Revolusie het dit as 'n soort Alcatraz gedien. Die abdy is 80 m hoog en kroon die sirkelagtige granietrots van sowat 900 m in omtrek. Dit is beslis een van die Christendom se grootste monumente.

Daar is vyftien hotels in Mont-Saint-Michel en 'n wye verskeidenheid van huisvesting op die vasteland van waar daar van vroegdag tot snags in die spreilig 'n uitstekende uitsig op die ``eiland'' is.

Baie van die hedendaagse ``pelgrims'' neem busse van Parys na Mont-Saint-Michel wat aan die kus van NormandiŽ in Noordwes-Frankryk is. Die beste is om voor 9 vm. deur Mont-Saint-Michel te stap, wanneer die eerste toeriste aankom.


j f

 
voorblad
  |  bestemmings | raad & neigings | reisnuus | nie-reis | foto's